Gazeta Si – Një 28-vjeçar humbi jetën në një aksident rrugor brëmjen e së dielës në Shkodër, pasi mjeti me të cilin udhëtonte doli nga rruga.
Policia tha se ngjarja ndodhi në vendin e quajtur “Muri i kalasë”, në lagjen “Liria” në qytetin verior.
Sh.B., duke drejtuar automjetin tip “Dayang”, ka humbur kontrollin mbi drejtimin e automjetit, duke dalë nga rruga. Për shkak të dëmtimeve të marra, 28-vjeçari nuk mundi të mbijetojë.
Gjithashtu, policia në Shkodër, njofton se ka humbur jetën edhe një 34-vjeçar, i cili 12 ditë më parë ra nga lisi dhe mori dëmtime të rënda trupore.
Ai fillimisht u transportua nga Shkodra për te Trauma në Tiranë, por nuk mundi t’i mbijetojë plagëve të rënda.
Grupiet hetimore vijojnë punën për dokumentimin ligjor të rrethanave të këtyre ngjarjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
