Gazeta Si – Një drejtues mjeti në Lushnjë, ka shpëtuar për mrekulli, pasi makina e tij tip “Benz” me targa AA 307 PD ka dalë nga rruga dhe ka përfunduar në daljen e nënkalimit në fshatin Dushk.
Makina “fluturoi” për disa metra në ajër e më pas u përplas në betonin e nënkalimit. Drejtuesi i mjetit është transportuar me ambulancë në Spitalin e Lushnjës nën kujdesin e mjekëve.
Ende nuk dihet se cilat janë shkaqet dhe rrethanat që drejtuesi i mjetit ka dalë nga rruga dhe ka përfunduar në në kalim.
Fatmirësisht nuk ka pasur mjete apo dhe këmbësorë në ato momente në pjesën e nënkalimit, pasi në të kundërt ngjarja mund të kishte rezultuar me pasoja fatale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
