.png)
Gazeta Si – Në një një biznes thertore në Golem të Lushnjës, disa hajdutë kanë vjedhur kasafortën dhe më pas kanë tentuar të largohen me furgonin e biznesit të A.K.
Sipas policisë, në largim e sipër, një nga hajdutët që po drejtonte furgonin ka dalë nga rruga dhe ka përfunduar në kanalin kullues, duke e lënë kështu në vendngjarje furgonin e thertores.
Autorët kanë braktisur mjetin, i cili është gjetur nga policia, si dhe kasaforta e vjedhur që ishte e pa hapur.
“Gjatë orëve të para të mëngjesit, në fshatin Golem, Lushnjë, persona të paidentifikuar, në subjektin tregtar (thertore) në pronësi të shtetasit A. K., kanë vjedhur automjetin tip fugon dhe kasafortën. Gjatë largimit nga vendi i ngjarjes, për t’iu shmangur Policisë, autorët janë larguar në një rrugë dytësore dhe si pasojë, në fshatin Golem automjeti ka dalë nga rruga dhe u gjet nga shërbimet e Policisë. Gjatë këqyrjes së automjetit, është gjetur edhe kasaforta e vjedhur nga autorët, e pa hapur”, njofton policia e Lushnjës.
Sipas burimeve paraprake, autorët janë larguar me një tjetër mjet dhe sipas burimeve nga policia, kanë dalë në autostradën Lushnjë-Rrogozhinë.
Policia ka nisur hetimet për zbardhjen e ngjarjes dhe zbulimin e autorëve. Në zonë janë marrë kamerat e sigurisë të bizneseve për të bërë të mundur zbardhjen e dinamikës së ngjarjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
