Gazeta Si – Një shumë e madhe parash është sekuestruar në Lushnjë nga policia, para të cilat i janë gjetur një 47-vjeçari nga Roskoveci.
Bëhet fjalë për 108.600 euro, që iu sekuestruan 47-vjeçarit me iniciale I.R. Këto para dyshohet se burojnë nga aktivitete të paligjshme.
Shuma e parave u gjet gjatë kontrollit në makinën dhe shtëpinë e 47-vjeçarit. Po kështu, atij iu gjetën një armë gjahu dhe fishekë.
47-vjeçari u procedua penalisht në gjendje të lirë për veprën penale pastrim parash, pasi nuk vërtetonte dot burimin e ligjshëm të parave, si dhe për mbajtje pa leje të armëve të gjuetisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
