.png)
Pushtimi rus i Ukrainës ka nxitur tashmë disa taktika të reja të dezinformimit, duke përfshirë përhapjen e pamjeve të video lojërave dhe përdorimin e TikTok për të krijuar transmetime të rreme si të drejtpërdrejta në zonën e luftës.
Kjo thekson se si dezinformimi në internet ka tendencë të evoluojë vazhdimisht. Dhe ndërsa TikTok është zotuar në vitet e fundit të godasë dezinformimin, hyrja e tij relativisht e fundit në rrjedhën kryesore si një platformë kryesore e mediave sociale, së bashku me disa nga veçoritë e tij unike, e kanë bërë atë një vend kryesor ku mund të gjesh përmbajtje mashtruese.
“Platforma është plot me pamje të papërpunuara, të cilat janë të mira dhe të këqija. Për disa njerëz, ata me të vërtetë ndihen sikur po marrin një përvojë më autentike që nuk është përmes filtrit të një agjencie lajmesh”, tha Abbie Richards, një studiuese e TikTok e cila studion lëvizjet terroriste në internet. “Në të njëjtën kohë, thjesht nuk ka asnjë verifikim.”
Lufta kishte disa kohë që ishte në qendër të vëmendjes në TikTok, ku videot nga ukrainasit tregonin forcat ruse që përparonin drejt kufirit më shumë se një javë përpara se Rusia të sulmonte.
Dhe ditët e fundit në platformë janë përhapur edhe dezinformata virale. Ndër format më unike të keqinformimit janë transmetimet e drejtpërdrejta që janë përpjekur të imitojnë disa nga skenat në Ukrainë, me përdoruesit që drejtojnë kamerat në skena të papërshkrueshme ose shfaqin video dhe vendosin zhurma mjetesh luftarake në sfond.
Në një transmetim të drejtpërdrejtë të enjten, një përdorues i TikTok e drejtoi kamerën në rrugën jashtë një dritareje dhe tregonte zhurmën e automjeteve dhe armëve. Një ditë më parë, i njëjti person kishte treguar se në fakt ndodhej në Mbretërinë e Bashkuar.
Falë sistemit të dhurimit të TikTok, i cili përdoret gjerësisht gjatë transmetimeve të drejtpërdrejta si një mënyrë që përdoruesit të japin para nëpërmjet figurave që dërgojnë (anije, avion, raketë që më pas shndërrohen në para në bazë të vlerës që kanë), ato transmetime mund të jenë një burim të ardhurash për përdoruesit.
Një zëdhënës i TikTok tha se po merr masa kundër përdoruesve që pretendojnë të transmetojnë drejtpërdrejt nga Ukraina për të kërkuar donacione.
“Ne vazhdojmë të monitorojmë nga afër situatën, me burime të shtuara për t’iu përgjigjur tendencave në zhvillim dhe për të hequr përmbajtjet dhunuese, duke përfshirë dezinformimin e dëmshëm dhe promovimin e dhunës”, tha një zëdhënës i TikTok.
Disa përdorues të TikTok e kanë kapur tashmë skemën dhe po reagojnë. Në seksionet e komenteve të transmetimeve të drejtpërdrejta që përmbajnë dezinformata, përdoruesit e TikTok po lënë komente si “Mos dhuro” dhe “Ju lutemi raportoni, është një mashtrim”.
Një përdorues i TikTok postoi video duke u kërkuar 65,000 ndjekësve të tyre të shikojnë transmetimin e drejtpërdrejtë në Ukrainë. Në transmetimin e drejtpërdrejtë, përdoruesi falënderoi shikuesit që po dërgonin donacione ndërsa në sfond u ndez një sirenë e sulmit ajror. Duke u kthyer në llogarinë e të njëjtit përdorues, videot treguan se ai përdorte monedhën moldave, duke çuar në komente që e quanin transmetimin e drejtpërdrejtë një “mashtrim”.
Vetëm disa shikues po shikonin transmetimin e drejtpërdrejtë të përdoruesit moldav, por një tjetër transmetim i drejtpërdrejtë me mbi 130,000 shikues dukeshin disa pamje nga brenda një stacioni të metrosë të mbushur me njerëz në Ukrainë kur në të vërtetë ai ishte Moldav.
Ndërkohë edhe videot që transmetohen në TikTok janë një burim të ardhurash dhe shumë njerëz po përfitojnë nga kjo situatë duke krijuar video nga lufta për të marrë shikime dhe shpërndarje që më pas kthehen në para.
Tingujt e britmave, përleshjeve me armë dhe sirenave të sulmit ajror u ngarkuan në TikTok si një video nga një përdorues dhe më pas u shpërnda nga më shumë se 240 njerëz që mendonin se ajo video ishte në Ukrainë.
Skenat nga video-lojërat të paraqitura si reale janë një formë relativisht e re dhe gjithnjë e më e popullarizuar e dezinformimit në TikTok dhe Tëitter, një formë që ka fituar përhapje ndërsa lojërat bëhen më realiste.
Pamjet nga “Digital Combat Simulator World” u shpërndanë nga Ministria zyrtare e Mbrojtjes e Ukrainës në Tëitter dhe morën mbi 600,000 shikime. Pamjet u ngarkuan më parë si pjesë e një përmbledhjeje të rëndësishme në YouTube. Përdoruesit në Facebook, Twitter dhe TikTok kanë shpërndarë në mënyrë të përsëritur pamjet e videolojës “Arma 3” si pamje lufte nga pushtimi ukrainas.
Klipet e pamjeve të video lojërave dhe të përdoruesve që vrapojnë nëpër vend zakonisht bashkohen me audio më dramatike nga mizoritë e vërteta.
Lehtësia e përdorimit për këtë veçori, e cila fillimisht u përdor për sinkronizimin e buzëve me muzikën dhe ishte thelbësore për rritjen e TikTok, tani po përdoret për të shtuar tinguj më realistë lufte në videot e krijuara nga kompjuteri.
Richards identifikoi një video të një burri duke ikur në verandën e tij që kishte audio nga një shpërthim kimik i vitit 2020 në Bejrut të dubluar mbi të. Videoja, e ngarkuar të enjten, pati 6 milionë shikime në 12 orë.
Richards tha se lehtësia me të cilën mund të krijohen këto video është një problem.
“Unë mendoj se dizajni i mirëfilltë i platformës është pjesë e problemit. Ai po forcon frikën dhe dezinformimin”, tha Richards. “Mënyra se si funksionon TikTok është strukturalisht e papajtueshme me momentin”.
Ende video të tjera janë forma shumë më të zakonshme të dezinformimit. Të enjten, pak pasi Rusia filloi sulmin e saj ndaj Ukrainës, një përdorues i TikTok postoi një video të një ushtari që del me parashutë nga një aeroplan. Videoja u postua për herë të parë në vitin 2016 nga një llogari në Instagram me të njëjtin emër përdoruesi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
