Lufta mes Izraelit dhe Hamasit, Obama: Asnjë nuk i ka duart e pastra!

Gazeta Si – Çdo gjykim për konfliktin në Lindjen e Mesme, për të qenë “konstruktiv”, duhet të fillojë nga “pranimi i kompleksitetit”.

Ish-presidenti amerikan, Barak Obama e shpjegon këtë në “Pod Save America”, podkasti video, i të cilit ai kishte qenë i ftuar rreth një vit më parë, në tetor 2022.

“Në vend që të shikojmë prapa, ne duhet të shikojmë nga e ardhmja, por kjo nuk mund të ndodhë nëse mbyllemi në indinjatën tonë”.

Për momentin, vetëm tre minuta janë publikuar në rrjetet sociale: një vrojtim. Episodi i plotë i emisionit të drejtuar nga Jon Favreau, Jon Lovett, Dan Pfeiffer, Tommy Vietor do të publikohet të martën.

Të gjithë “mikpritësit” kanë prejardhje në administratat e Obamës: dy të parët si shkrimtarë të fjalimeve, Pfeiffer si këshilltar i lartë i Shtëpisë së Bardhë dhe Vietor si zëdhënës.

Në klipin e ngarkuar në kanalin “Pod Save America”, ish-presidenti sqaron: “Ajo që bëri Hamasi është e tmerrshme dhe nuk ka asnjë justifikim. Është gjithashtu e vërtetë se pushtimi dhe ajo që po ndodh me palestinezët është e paqëndrueshme. Ka njerëz që po vdesin tani, të cilët nuk kishin asnjë lidhje me atë që bëri Hamasi”.

Ajo e Obamës është një ftesë për kompleksitet, e penalizuar nga polarizimi i internetit.

“Ne mund të vazhdojmë dhe duhet të vazhdojmë. Problemi me rrjetet sociale dhe aktivizmin në TikTok, është se nuk mund të thuash të vërtetën. Mund të pretendosh të thuash të vërtetën; ju mund të thoni gjysmën e saj dhe në disa raste të përpiqeni të ruani pafajësinë tuaj morale, por kjo nuk do ta zgjidhë problemin. Nëse dëshironi ta zgjidhni problemin, do t’ju duhet të përballeni me të vërtetën e plotë dhe më pas të pranoni se askush nuk i ka duart e pastra. Ne jemi të gjithë bashkëfajtorë, deri diku”, – tha ai, duke iu referuar konflikttit mes Hamasit dhe Izraelit, duke lëshuar një akuzë të përbashkët.

Ai vetë, thotë se shqetësohet nëse nuk ka bërë mjaft gjatë presidencës së tij. Për ish-presidentin sot është jetike që të ketë një bisedë mes dy barrikadave të opinionit publik dhe mbi të gjitha të kuptojë se si mund të ndërveprojë “me ata që nuk mendojnë si ju”. Ky, sipas Obamës, është parakushti për të “shpëtuar” dikë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.