.png)
Konsumatorët europianë të trembur nga lufta në Ukrainë dhe inflacioni rekord ka të ngjarë të mos jenë shtytësit kryesorë të rimëkëmbjes pas pandemisë të rajonit, duke i dhënë një goditje ekonomisë këtë vit, sipas një sondazhi nga Allianz SE.
Bazuar në përkeqësimin e besimit të konsumatorit, ekonomistët e udhëhequr nga Ana Boata shohin deri në 70 miliardë euro shpenzime private të humbura në zonën e euros në 2022-shin.
Vlerësimi bazohet në një anketë të majit me më shumë se 2500 njerëz në Gjermani, Francë dhe Itali, tre ekonomitë më të mëdha të rajonit.
Konsumi privat i Eurozonës filloi të tkurret në fund të vitit të kaluar dhe ra me 0.7% në tremujorin e parë mes presioneve të forta të çmimeve, të cilat mund të përkeqësohen akoma. Banka Qendrore Europiane paralajmëroi këtë javë se inflacioni i vitit 2022 mund të kalojë 7% dhe u angazhua për një rritje tremujore të normave të interesit muajin e ardhshëm – e para në më shumë se një dekadë – me një rritje më të madhe që mund të pasojë në vjeshtë.
Ekonomistët presin që shpenzimet konsumatore të bien gjithashtu në tremujorin e dytë dhe të katërt — të ndërprera vetëm nga një rikthim i shkurtër në shpenzimet e mikpritjes dhe udhëtimit gjatë sezonit të pushimeve verore.
Në të njëjtën kohë, normat bruto të kursimeve në tre ekonomitë e përfshira në sondazh do të kthehen në mesataret afatgjata para pandemisë deri në fund të vitit, thanë ata.
Pjesërisht përgjegjës janë kostot më të larta të ushqimit dhe energjisë. Faturat e familjeve për të parën do të rriten mesatarisht me 550 euro këtë vit, shpenzimet për këtë të fundit pritet të rriten me më shumë se 750 euro, sipas raportit.
Ndërsa kursimet e tepërta në zonën e euros arrijnë në më shumë se 380 miliardë euro, ato shpërndahen në mënyrë të pabarabartë midis grupeve të të ardhurave, shkruajnë ekonomistët, me familjet më të dobëta që mund të kursejnë vetëm 93 euro.
“Prandaj, për pothuajse dy të tretat e familjeve, kursimet e tepërta do të jenë të pamjaftueshme për t’i mbrojtur nga uragani i inflacionit këtë vit,” thanë ata.
Burimi: Bloomberg/ Përshtati: Gazeta Si
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
