.png)
Shefja e Misionit të OSBER/ODIHR Urszula Gacek ishte të mërkurën në zyrën e kryetares së LSI-së, Monika Kryemadhi, në vijim të takimeve që ajo zhvilloi në fillim të javës me kryetarin e PD-së, Lulzim Basha dhe kryeministrin Edi Rama.
Në fokus të takimit ishin zgjedhjet e 25 Prillit. Nga ana e saj, Kryemadhi mësohet se i ka dorëzuar dosjen e LSI për zgjedhjet.
Më herët, Kejdi Mehmetaj është shprehur se 25 Prilli nuk mund të njihet si proces.
“Jemi duke u marrë me stafin tonë për të dokumentuar dhe plotësuar dosjen përkatëse që tregojnë metodat që u përdorën nga qeveria ‘Rama” për të blerë dhe manipuluar këto zgjedhje. Faktet janë të shumta. Po dalin të dhëna të tjerë çdo ditë. Policia e Shtetit ka qenë palë e kësaj situate...
Blerje votash nuk ka pasur nga të gjitha partitë. Fushata që LSI ka bërë në 2021 është bërë me djem e vajza të reja. Edhe nëse do donin të shpërndanin ndonjë lek, nuk kanë pasur ku t’i gjenin; asnjëri prej nesh nuk ka ndonjë miliarder apo oligark.
LSI nuk e njeh rezultatin e këtyre zgjedhjeve, jemi në një proces shumë të rëndësishëm, përveç dokumentimit, edhe rihapjes së kutive dhe rinumërimit...”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
