Lojtarët që mund të përfitojnë nga skemat e Carrick

Nga Gazeta “Si” – Fillimi pozitiv i Michael Carrick si trajner i përkohshëm në stolin e Manchester United ishte më shumë sesa thjesht rezultati.

Man United luajti si një skuadër e rilindur, duke rizbuluar të ashtuquajturën “United Way”, me futboll sulmues të shpejtë dhe të përqendruar nga krahët.

Kthimi te formacioni 4-2-3-1 ndihmoi, por më shumë se kaq, Carrick ringjalli shumë nga parimet bazë të epokës së Sir Alex Ferguson, përfshirë përulësinë për të qëndruar pas topit për periudha të gjata përpara se të godisnin me kundërsulm.

Tifozët në “Old Trafford” nuk duhet të entuziazmohe më shumë sec duhet nga një paraqitje e vetme – edhe pse ata do ta kenë të vështirë ta shmangin këtë, sidomos sepse kaq shumë lojtarë kanë treguar menjëherë përmirësim.

Ja 5 lojtarë që mund të shkëlqejnë nën drejtimin e Carrick:

– Bruno Fernandes
Përfituesi më i madh nga kalimi në formacionin 4-2-3-1 është Fernandes, i shkëlqyer pasi u rikthye në pozicionin e tij të preferuar si numri 10.

Casemiro në mesfushë në rrjeshtimin 4-4-2

– Casemiro
Befasues në derbin e Mançesterit ishte Casemiro, i cili duket si një lojtar krejtësisht tjetër falë përdorimit nga Carrick të një blloku të mesëm 4-4-2 kur skuadra është pa top.

– Kobbie Mainoo
20-vjeçari dikur shihej si e ardhmja e mesfushës së Manchester United. Loja me topin kundër Manchester City-t i kujtoi të gjithëve pse.

– Harry Maguire
Një dyshe klasike qendërmbrojtësish në kombinimin “i vogël dhe i madh”: një mbrojtës agresiv që del përpara përkrah një tjetri më të gjatë, dominues në lojën në ajër. Lisandro Martinez dhe Maguire kishin kuptim së bashku.

– Amad
Tifozët e Manchester United u impresionuan nga shpejtësia e aksioneve të rrjedhshme nga krahët, që rikujtonin ditët e lavdishme të Fergusonit.

Përfituesi më i madh ka gjasa të jetë Amad, i rikthyer në pozicionin e tij natyral në krahun e djathtë dhe që po paraqitet shumë mire në një sistem taktik që i mundëson të marrë topin dhe të ketë hapësirë për të dribluar.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.