Gazeta Si – Ksavi Hernandez komunikoi largimin nga Barcelona në fund të sezonit. Ai e bëri të ditur vendimin pas humbjes me Vilarrealin në kampionat. Menjëherë pas lajmit nisën të qarkullojnë emrat e parë për pasuesin e Ksavit në stolin katalanas.
Sipas ‘Sport’, lojtarët e Barcelonës kërkojnë rikthimin e Luis Enrikes. Një pistë e vështirë në fakt, duke ditur që trajneri spanjoll aktualisht ka kontratë me PSG-në. Kuptohet që ish-lojtarët apo ish-trajnerët e Barcelonës janë pistat që shihen me përparësi nga drejtuesit e klubit.
Luis Enrike është një preferencë e futbollistëve, ndërkohë presidenti Laporta ka gjithë kohën e nevojshme për të marrë vendimin e duhur. Një emër tjetër që është lakuar këto ditë është ai i meksikanit Rafael Markez, ish-mbrojtës i Barcelonës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
