Gazeta Si – Ka nisur fundjava e Moncës për Ljuis Hemilton. Në Mercedesin e tij do të montohet ‘power unit’ e katërt dhe 7 herë kamopioni i botës duhet të niset nga fundi në garën e së dielës.
Është gara e 16-të e Botërorit, që udhëhiqet nga kampioni në fuqi, Maks Vershtapen, i ndjekur nga shoku i skuadrës te Red Bull-i, Perez, me 109 pikë distancë.
Ljuis Hemilton, i penalizuar këtë herë, për garën e Moncës u shpreh: “Është një nga pistat historike, vërtet speciale dhe me një publik të jashtëzakonshëm. Është drithëruese të garosh në Monca. Nuk është cirkiut i lehtë dhe kur mendoj që kam fituar shumë në këtë pistë mbushem me kënaqësi. Me siguri do të përmirësohemi në krahasim me Spa”.
Do të jetë gara e fundit në Monca për ish-ferraristin Sebastian Fetel. “Është speciale, është gara ime e fundit në Monca dhe do të përpiqem ta shijoj në maksimum. Kam shumë kujtime të bukura këtu”, – tha piloti gjerman.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
