Duhej të përfitonte dhe të shkonte në +7 pikë nga Mançester Siti, por Liverpuli nuk ia ka dalë dot. Skuadra e Jurgen Klop nuk ka shkuar dot më tej se një barazim 1-1 me Leicesterin. Edhe pse kaloi i pari në avantazh, Liverpuli sërish nuk arriti ta thellojë shumë diferencën me ndjekësit e Sitit në kampionat.
Goli i shpejtë që në minutën e tretë nga Sadio Mane për “the reds” krijoi përshtypjen e një fitore të thjeshtë për Liverpulin, por në fakt nuk ndodhi kështu. Leicesteri u mbrojt mirë në minutat në vazhdim, pasi pësoi golin e parë dhe me kalimin e minutave filloi edhe të sulmonte. Në fundin e pjesës së parë, kur u mendua se pjesa e parë u mbyll me avantazhin e “të kuqve”, erdhi barazimi nga miqtë.
Ishte Meguajër që shënoi për Leicester, një gol që rezultoi vendimtar deri në fund. Në 45’ minutat e dyta Liverpuli provoi që ta kthete sërish ndeshjen, por Mane e Firminjo nuk ishin të zotë që t’i shfrytëzonin siç duhej rastet që patën. Kështu pas këtij barazimi Liverpuli shkon në 5 pikë avantazh nga vendi i dytë që mbahet nga Mançester Siti.
Ndërkohë në ndeshjet e tjera të Premier Ligës nuk kanë munguar rezultatet surprizë. Çelsi është mposhtur befasisht 4-0 nga Bornmuth, duke mbetur pas në luftën për në Ligën e Kampionëve.
Më poshtë tabela e rezultateve për të gjitha ndeshjet e javës 24-të të Premier Ligës:
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
