Gazeta Si – Mund të vijë sërish nga Egjipti ylli i ri i Liverpulit. Klubi i madh anglez ka shënjestruar si përforcim të radhës sulmuesin Omar Marmoush, që luan për Eintrahtin e Frankfurtit në Gjermani.
Sipas ‘Bild’, anglezët kanë gati një ofertë prej 60 milionë eurosh për të bërë të mundur transferimin e këtij lojtari në Premier Ligë. Marmoush do të bëhej kështu pasuesi i Mohamed Salah te Liverpuli, egjiptianit tjetër që ka bërë histori me të “Të kuqtë”.
Omar Marmoush, 25 vjeç, me nënshtetësi egjiptiane dhe kanadeze, e ka të lidhur karrierën me Bundesligën, ku ka luajtur për disa skuadra. Tani mund të bëjë hapin e madh dhe të veshë fanellën e Liverpulit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
