Gazeta Si – Liverpuli fiton ‘Community Shield’. Të kuqtë kanë mundur 3-1 Mançester Sitin, që reagoi pas golit të shënuar nga Aleksander-Arnold, duke barazuar me Julian Alvarez. Në momentin më të keq djemtë e Klop ia dolën të kthenin ndeshjen.
Salah shënoi me një penallti të fituar nga Darvin Nunjez, i cili realizoi edhe golin e 3-të. Sulmuesi i Liverpulit errësoi Erling Haland, autor i një debutimi zhgënjyes me fanellën e Sitit, me gabime të pafalshme para portës.
Anglia ka nisur sezonin nga ‘Community Shield’ dhe trofeun e parë e ka shijuar Liverpuli. Në ‘King Power Stadium’ skuadra e Klop e ka fituar këtë trofe pas 16 vitesh. Dueli mes këtyre dy skuadrave ishte mjaft i fortë që sezonin e fundit.
Sfidën mes ‘bomberave’ të blerë në merkaton e verës, Erling Haland dhe Darvin Nunjez, e ka fituar ish-lojtari i Benfikës, edhe pse e nisi nga stoli. Ai fitoi një penallti dhe shënoi golin e 3-të për Liverpulin. Te Siti debutoi me gol Julian Alvarez.
‘Community Shield’ e fiton kështu Liverpuli. Herën e fundit e kishte fituar këtë trofe në 2006-ën, me Xherrard në fushë dhe me Çelsin e Mourinjos kundërshtar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
