.png)
Nga Gazeta ‘SI’- Administrata Tatimore ka njoftuar se influencerët shqiptarë kanë fituar 33 milionë euro të ardhura nga platformat sociale, gjatë vitit të shkuar.
Në një njoftim për të rikujtuar deklarimin e DIVA, Tatimet thonë se këto të ardhura duhet të taksohen.
“Nga verifikimet paraprake me bankat rezultojnë rreth 33 milion euro të ardhura nga individët për platformat Meta, Facebook, Youtube, Google etj. Administrata Tatimore fton tatimpaguesit ti deklarojnë këto të ardhura në Diva 2024. Afati final i dorëzimit të DIVA 2024 është data 1 prill”, njoftojnë Tatimet.
Tiktok ishte platforma më fitimprurëse për influencerët shqiptarë, jo vetëm nga reklamat, por edhe nga dhuratat e ndjekësve aty, që më pas këmbehen në para.
Përfshirja e tyre në regjimin tatimor u miratua në paketën fiskale të vitit 2023, pas konfirmimit se rrjetet sociale ishin një burim serioz të ardhurash.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
