Gazeta Si – Mesi zbarkon zyrtarisht në MLS, te skuadra e Devid Bekham. Kontratë ultra-milionere për kampionin e botës, që do të mbajë fanellën me numrin 10.
Lajmi ishte i njohur prej kohësh, por ja ku vjen edhe zyrtarizimi. Lionel Mesi është lojtari më i ri i Inter Majemit. ‘Pleshti’ nis kështu aventurën në kampionatin amerikan, pas dy viteve që kaloi me PSG-në.
Me ekipin e ri ylli argjentinas do të rikthehet te fanella me numër 10, që ka mbajtur edhe te Barcelona. Klubi që drejtohet nga Devit Bekham dhe që i garanton Mesit një kontratë të majme, e ka prezantuar në rrjetet sociale me një video të veçantë.
Sí, Muchachos📍 pic.twitter.com/8E3f9hb9VU
— Inter Miami CF (@InterMiamiCF) July 15, 2023
Mesi ka firmosur një kontratë deri në qershor të vitit 2025. Ai është prezantuar me tifozët e rinj me këto fjalë: “Jam shumë i lumtur që filloj këtë fazë të re të karrierës sime me Inter Majemin në Shtetet e Bashkuara të Amerikës”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
