.png)
U hodh sot shorti për sezonin e ri në nivelin më të lartë të futbollit anglez. Kampionët e Liverpool do ta nisin me Bournemouth në shtëpi ndërsa Manchester United do të luajë ndaj Arsenal në “Old Trafford”. Arne Slot do ta fillojë mbrojtjen e titullit mbrëmjen e të premtes më 15 Gusht. Sunderland që kthehet mes më të mirëve pas sezonit 2016-17, do ta nisë në shtëpi ndaj West Ham United. Kampionët e Championship presin Everton në “Elland Road”, mbrëmjen e të hënës së parë të sezonit. Burnley që u kthye menjëherë në Premier League do të udhëtojë drejt Londrës për tu ndeshur me fituesit e Europa League (Tottenham) që tani drejtohen nga Thomas Frank.
Everton do të presë raundin e dytë për të luajtur ndeshjen e parë në të riun “Hill Dickinson Stadium” ndaj Brighton. Pep Guardiola dhe Manchester City do ta nisin pas të parit sezon pa trofe në ndaj Wolverhampton Wanderers në “Molineux”. Ky sezon që numëron 380 ndeshje në 33 fundjava dhe 5 mesajva, do të mbyllet të dielën e 24 Majit të vitit 2026. Premier League do të fillojë më 15 Gusht – 82 ditë pas mbylljes së sezonit 2024-25. Gjatë periudhës së festive klubeve nuk do ju kërkohet të luajnë dy herë në më pak se 60 orë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
