.png)
Yield-et e Bonove të Thesarit me maturim 12 mujor pësuan sërish një rënie të lehtë me 0.03% nga ankandi i shkuar ku yield-i mesatar i ponderuar ishte 1.7%.
Shuma me të cilën u shpall ankandi ishte 8.7 miliardë lekësh, por kërkesat arritën deri në vlerën e 10.8 miliardë lekëve.
Yield-i mesatar i ponderuar pësoi rënie në të njëjtën masë edhe për Bonot me maturim 6-mujor, duke rënë në 1.31%, nga 1.34% që kishte qenë në ankandin e mëparshëm, të zhvilluar në fund të muajit gusht. Edhe këtu kërkesat arritën në mbi 1.5 miliardë lekë, ndjeshëm më shumë se shuma prej 931 milionë lekësh e shpallur për financim nga Ministria e Financave.
Mesa duket likuiditeti i lartë në tregun financiar të Shqipërisë po mban të qetë tregun e titujve qeveritarë, ndonëse ka nisur një kaos me luhatjet në çmimet e burimeve të ndryshme energjitike.
Yield-et mund të vazhdojnë të ulen më tepër dhe me nxjerrjen në tregjet ndërkombëtare të Eurobondit 700 milionë euro, duke ulur mevojën e financimit të brendshëm të borxhit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
