“Allianz Stadium” në Torino do të presë ndeshjen e Ligës së Europës mes Real Sociedadit dhe Mançester Junajtid. Ky është lajmi më i fundit sa u takon ndeshjeve të para të fazës së 1/16-ave në Ligën e Europës, që do të zhvillohen të enjten e ardhshme, më 18 shkurt.
Ndryshimi i stadiumit ishte i nevojshëm, siç bën me dije klubi bask. “Vendimi është marrë për shkak të ndalimit të fluturimeve nga Britania e Madhe drejt Spanjës deri më 16 shkurt. Në fakt, frika është e madhe se ky afat do të shtyhet më tej, ndaj dhe është arritur akordi për ta luajtur ndeshjen në një stadium tjetër”, – shkruan klubi i Real Socideadit në njoftimin zyrtar.
Është e njëjta histori me ekipet angleze si në Ligën e Kampionëve, ku Liverpuli dhe Mançester Siti nuk mund të fluturojnë drejt Gjermanisë për të njëjtën arsye. Përhapja e variantit britanik të Covid-19 ka bërë që shumë vende të marrin masa më të forta. Lajpcigu do ta presë Liverpulin në Hungari, ashtu sikurse edhe Borusia Mënshegladbah ekipin e Mançester Sitit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
