Polaku i Barcelona-s dhe francezi i Real Madrid shënuan secili nga dy gola në fundjavë. Lewy mbetet në krye të klasifikimit që do të shpallë Shënuesin më të mirë të sezonit. Sulmuesi i Barcelona-s arriti në kuotën e 25 golave duke ruajtur diferencën prej 3 të tillëve nga Mbappé në LaLiga. Në vendin e tretë me diferencë të thellë ndjek Budimir (Osasuna) që ka shënuar 15 gola deri tani.
Sa i përket trofeu “Zamora”, që akordohet për Portierin më të mirë, ai që ka pësuar më pak gola deri tani është Jan Oblak. Numri 1 te Atlético de Madrid ka lejuar ta ndëshkojnë 23 herë në 28 ndeshje me një mesatare pësimi prej 0.82 gola për ndeshje. Në vendin e dytë ndjek David Soria (Getafe) dhe në të tretin qëndron Remiro që mbron portën e Real Sociedad.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
