Gazeta Si – Policia e Durrësit ka sekuestruar dy çanta me pako me lëndë narkotike, të llojit kanabis sativa, ku ka rënë në pranga poseduesi i lëndës narkotike.
Në kuadër të operacionit policer të koduar “Mbikalimi”, është arrestuar shtetasi A.F., 51 vjeç, banues në Shkozë, Tiranë.
51-vjeçari u kap në flagrancë, në rrugën dytësore të fshatit Sukth në drejtim të Shijakut, i cili lëvizte në këmbë duke transportuar dy çanta, brenda të cilave kishte pako me lëndë narkotike, të llojit kanabis sativa me peshë totale 10 kilogramë dhe një peshore elektronike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
