Një vit special për Bajernin dhe lojtarët e tij. Edhe pse nuk mundi të fitonte “Topin e Artë”, Robert Levandovki e ka mbyllur vitin 2021 ashtu siç e hapi më 3 janar: duke shënuar. Ai ka vendosur rekordin e radhës në karrierë, duke fshirë atë të Gerd Myler, që zgjaste prej 50 vitesh. Në 2021-shin polaku ka shënuar 43 gola në 34 ndeshje të Bundesligës.
Askush më parë nuk kishte arritur te kjo shifër (Myler në 72-shin kishte shënuar 42 gola), por numrat e Levandovskit janë edhe më impresionues, nëse bashkohen me komepticionet e tjera: në 47 ndeshje në total ai ka shënuar 58 herë (43 në Bundesligë, 11 në Champions, 2 në Superkupën e Gjermanisë dhe 2 në Botërorin e klubeve). Nëse llogarisim edhe ndeshjet me Poloninë, Levandovski në 2021-shin shkon në kuotën e 59 ndeshjeve dhe 69 golave.
Ai ka vendosur rekordin e golave për një vit kalendarik në Bundesligë, por kjo nuk ka mjaftuar që sulmuesi i Bajernit të fitojë “Topin e Artë”, ku ai zuri vendin e dytë, pas Lionel Mesit.
Por te Bajerni nuk është vetëm Levandovski. Edhe Tomas Myler ka shënuar një arritje të rëndësishnme. Me 15 asiste vetën në gjysmën e parë të kampionatit, ai është bërë “asistmeni” më i mirë në Bundesligë. Po ashtu, sulmuesi gjerman ka kaluar 400 ndeshje në kampionat, të gjitha me fanellën e Bajernit (134 gola dhe 194 asiste).
Që kur ka debutuar në Bundesligë (15 gusht 2008 ndaj Hamburgut), në 5 kampionatet më të forta në Europë vetëm 3 lojtarë kanë luajtur më shumë ndeshje me të njëjtën fanellë. Bëhet fjalë për Mesin dhe Buskets (442 dhe 431 me Barcelonën), si dhe portierin Mandanda (429 me Olimpikun e Marsejës. Edhe në 2022-shin Myler është besnik i bavarezëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
