Psg kthehet të përkundë ëndrrën Cristiano Ronaldo. Klubi parisien nuk ka reshtur kurrë së menduari për goditjen e madhe të merkatos e vetëm kriza ekonomike për shkak të pandemisë ka frenuar maninë e madhështisë së francezëve. Mesazhi është shumë i qartë gjithsesi e i dhënë nga vetë drejtori sportiv i PSG Leonardo: “Është normale që Cristiano Ronaldo afrohet me Psg. Bëjmë pjesë nga ai rreth i ngushtë klubesh që mund t’ia lejojnë – ka deklaruar në një intervistë braziliani. “Edhe pse situata është e komplikuar për të gjithë, merkato është një çështje mundësie, përtej programimit. Ndonjëherë ndodhin gjëra të jashtëzakonshme”.
Një merkato në hyrje që mund të dhurojë surpriza të mëdha, e një merkato në dalje që, sipas Leonardos, nuk parashikon shitje të rëndësishme, situatë që lidhet me Mbappé, Neymar e Icardi: “Dy të parët kanë një kontratë deri në 2022″ vazhdoi Leonardo. “Prej kohësh kemi nisur dialogun, por tani gjërat janë më të qartë e diskutimet më intensive. Është objektivi ynë të ndërtojmë të ardhmen me ta, edhe sepse mendoj që Psg, ndryshe nga të tjerë në fund cikli ose në krizë, bën pjesë në ata klube të destinuar të imponohet në 5 vitet e ardhshme.
Për sa i përket trajnerit, Leonardo ka sqaruar edhe situatën mbi të ardhmen e Tuchel: “Kemi patur divergjenca edhe mediatike, por kemi folur edhe brenda klubit. Janë gjëra që ndodhin e do të habitesha për të kundërtën. Nuk kemi menduar kurrë të ndryshonim trajner, nuk kam telefonuar askënd, pjesa tjetër janë thashetheme. Pankina e Psg është e kërkuar, por është normale të jetë kështu.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
