.png)
Gjykata e Tiranës në seancën e ditës së sotme, ka lënë në burg ish-inspektorin e aeroportit të Rinasit, me iniciale B. T. Mësohet se avokati i B.T., ka kërkuar masë më të lehtë sigurie me pretendimin se ish-inspektori u vetëdorëzua në Polici dhe se është i pa dënuar më parë.
B.T., është arrestuar pasi përgjimet e nxorën si bashkëpunëtor të E. S., për kalimin drejt vendeve të BE-së personave që e kishin të ndaluar, kundrejt pagesave që varionin nga 50-500 euro.
E.S., mbante kontakte të vazhdueshme me kontrollorin e policisë kufitare në Aeroportin Rinas përmes B.T., të cilit i dërgonte të dhëna dhe dokumente udhëtimi të personave që nuk iu lejohej udhëtimi drejt vendeve të BE-së dhe ky i fundit personalisht apo nëpërmjet kolegëve të tij, në varësi të problematikave, kundrejt shumave monetare që varionin në vlera të ndryshme, lejonin kalimin e tyre sipas destinacioneve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
