.png)
Ish-kryetarja e Bashkisë së Gjirokastrës, Zamira Rami, është marrë zyrtarisht nën hetim nga SPAK me akuzën e shpërdorimit të detyrës.
Sipas Gjykatës së Posaçme të GJKKO-së, Rami ka prishur dy banesa në Gjirokastër, të cilat kanë qenë me dokumentacion të rregullt, duke shkaktuar një dëm prej 5 milionë lekë të reja.
SPAK dyshon se shkeljet janë kryer gjatë zbatimit të projektit për “Rikonstruksionin e rrugës Kryqëzim me rrugën nacionale (Postbllok) – Sheshi i Çerçizit”, si dhe për “Rikualifikimin e hapësirave publike dhe rrugës hyrëse pranë Memorialit të Rilindësve në Gjirokastër.
Në vitin 2019, pronarët e banesave të prishura për shkak të zbatimit të dy projekteve denoncuan Ramin në Prokurorinë e Gjirokastrës për “shpërdorim detyre”.
Sipas tyre, shembja e objekteve është kryer, pa marrë një vendim shpronësimi për këto pasuri. Më pas, organi i akuzës në Gjirokastër, e transferoi dosjen për kompetencë në SPAK.
Zamira Rami u zgjodh në krye të Bashkisë Gjirokastër në vitin 2015, si përfaqësuese e LSI-së. Pas vendimit të opozitës për të bojkotuar zgjedhjet lokale të 2019-ës, Rami nuk kandidoi për një mandat të dytë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
