.png)
Gazeta Si – Apeli i Posaçëm ka refuzuar lirimin nga paraburgimi të ish-ministrit të Mjedisit, Lefter Koka, i dënuar për aferën e inceneratorëve.
Apeli la të pandryshuar vendimin e 24 tetorit të Shkallës së Parë, duke konfirmuar mbajtjen në qeli të ish-ministrit, për llogari të akuzave ndaj tij për inceneratorin e Fierit
Koka, i shpallur fajtor dhe i dënuar me burg në tre gjykime për aferën e inceneratorëve, kërkoi konstatimin e humbjes së fuqisë së paraburgimit për shkak të tejkalimit të afatit 3-vjeçar.
Çështja e inceneratorit të Fierit do të rigjykohet në Gjykatën e Posaçme të Apelit, pasi Gjykata e Lartë e ktheu për rigjykim.
Ndërkohë, Koka është dënuar më herët me 6 vite e 8 muaj burg për dosjen e inceneratorit të Elbasanit dhe 2 vite për atë të Tiranës. Ai qëndron në qeli prej dhjetorit 2021.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
