Gazeta Si – Skuadra e Leçes është fiksuar me futbollistin e Kombëtares shqiptare, Ylber Ramadani. ‘Gazzetta dello Sport’ shkruan sot se presidenti Korvino po ushtron presion për 27-vjeçarin shqiptar.
Mesfushori Ramadani vjen pas një sezoni shumë të mirë me Aberdinin në Skoci, çka e ka vënë në vitrinë dhe tashmë duket gati për të zbarkuar në Itali. Ai është në kulmin e pjekurisë si lojtar. Leçe mund të humbasin Hjulmand në këtë merkato vere dhe për ta zëvendësuar kanë piketuar pikërisht Ramadanin.
Në ndeshjet e fundit të Kombëtares mesfushori ishte një titullar fiks në formacionin e trajnerit Silvinjo. Në dy ndeshjet me Moldavinë dhe Ishujt Faroe, ku kuqezinjtë morën 6 pikë, Ramadani ishte pa asnjë dyshim ndër më të mirët në skuadrën tonë, duke ia rritur edhe më tepër kreditet vetes në treg.
Me kalimin e mundshëm të Ramadanit te Leçe do të shtohej më shumë numri i lojtarëve të kombëtares në Itali, ku aktualisht luajnë Hysaj, Kumbulla, Gjimshiti, Ismajli, Asllani, Bajrami e ndonjë tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
