.png)
Gazeta Si – Atlanta dhe Los Anxheles Lejkërs kanë fituar të drejtën për të shkuar në ‘play-off’, ndërsa Majemi dhe Minesota janë të detyruara të shkojnë në turin e dytë të ‘play-in’. Këto janë verdiktet e para pas sezonit të rregullt në NBA.
Lejkërsat kanë arritur të fitojnë 108-102 kundër Minesota Volvs dhe të kualifikohen për në ‘play-off’, si kokë serie numër 7 në Perëndim, kundër Memfis. Por kanë vuajtur jo pak, duke shkuar deri në 15 pikë disavantazh, 10 në çerekorëshin e fundit, por shpëtuan nga falë gafave të kundërshtarit, i terrorizuar ndoshta nga një skenë shumë e madhe për të.
Volvs humbën 24 topa dhe shënuan vetëm 12 pikë në periodën e fundit, para se të dorëzoheshin në shtesë. LeBron Xhejms shënoi 30 pikë, duke qenë vendimtar edhe në moshën 38-vjeçare. Shroder bëri diferencën nga stoli, në vend të Rasëll. Por ishin Volvs ata që e hodhën ndeshjen në erë, tek ata shpëton vetëm Konli. Tani kjo skuadër duhet të reagojë në shtëpi ndaj fituesit të Nju Orlins-Oklahoma Siti.
Atlanta i dha një leksion të mirë Majemit në fushën e tij, duke e mundur 105-116. Ishte më e fortë fizikisht dhe me ritëm më të lartë Atlanta, që shkon në ‘play-off’ si kokë Serie numër 7 në Lindje. Majemi shënon dështimin e radhës në një sezon shumë të vështirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
