Nga Gazeta ‘Si’- Ministri i Jashtëm rus, Sergei Lavrov, thotë se SHBA dhe Rusia kanë filluar të largohen nga skaji i humnerës, ku sipas tij ish presidenti Joe Biden kishte vendosur marrdhëniet mes dy vendeve.
Lavrov tha ndër të tjera se ka besimin se SHBA po synon të heqë pengesat në rrugën e projekteve premtuese mes dy vendeve.
Duke iu referuar komenteve të djeshme të Donald Trump, Lavrov tha se Trump duket se po e kupton pozicionin rus.
Trump u shpreh dje “shumë i zhgënjyer” për Ukrainën, duke shtuar thënë se kishte dëgjuar se ‘Ukraina është zemëruar, sepse nuk ka një vend në tryezën e negociatave.’”
Lavrov tha gjithashtu se duhet të hiqet çdo kërcënim ndaj Rusisë.
Rusia diskutoi heqjen e kërcënimeve ndaj vendit me Sekretarin e Shtetit të SHBA-së, Marco Rubio, tha Sergei Lavrov. Ai tha: “Ne duhet të heqim çdo kërcënim ndaj Rusisë që u krijua duke u përpjekur të tërhiqte Ukrainën në NATO”.
Lavrov thotë gjithashtu se “veprimet e regjimit të Kievit” duhet të “ndalohen”.
“Kjo synon të vrasë gjithçka që ka të bëjë me Rusinë,” tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
