.png)
Presidentja e Bankës Qendrore Europiane, Christine Lagarde njoftoi investitorët të përgatiten për udhëzimet e reja të politikës monetare brenda 10 ditë dhe se masa të tjera do të merren me përfundimin e programit të blerjes së obligacioneve.
BQE-ja njoftoi se inflacioni objektiv do të vendoset në 2% dhe gjithashtu do të lejohet tejkalimi, duke ditur se e gjithë situata ekonomike mund të nxjerrë po ashtu variante të reja.
Kjo deklaratë imponoi dhe spekulime kundrejt planit të Bankës Qendrore, ndërkohë që ekonomia e Europës po rimëkëmbet.
Në rishikimin e masave u përmend dhe ekonomia e gjelbërt bashkë me shqetësimin e tregut të pronave të patundshme.
Lagarde tha se programi i blerjes së obligacioneve nga BQE, rreth 1.85 trilionë euro do të përfundojë marsin e vitit që vjen dhe pas kësaj mund të vijë një tjetër program stimulues.
Ajo hodhi poshtë spekulimet se ndihma emergjente do të anulohej në Europë, siç ka ndodhur në vendet e tjera, sepse sipas saj është ende e nevojshme, sidomos me përhapjen e DELTA-s.
Inflacioni është në rritje, por Banka beson se do të jetë i përkohshëm.
Burimi:Bloomberg/Përshtati:Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje