.png)
Presidentja e Bankës Qendrore të Europës, Christine Lagarde lajmëroi liderët e vendeve europiane, të mbajën “zgjidhur” lidhëset e politikave fiskale, sepse në vjeshtë mund të rikthehet dëmi.
Në samitin e ditës së premte me liderët e BE-së, Lagarde tha se ndihma duhet të jetë e vazhdueshme për sa kohë, plagët e pandemsë janë akoma hapur.
Me përshpejtimin e fushatës së vaksinimit rotet dhe lulëzimi i ekonomisë europiane.
Zyrtarët e BQE Isabel Schnabel dhe Pablo Hernandez de Cos theksuan se edhe nëse ekonomia është në gjendje të rikuperojë prodhimin e humbur në krizat e pandemisë në fillim të vitit të ardhshëm, do t’i duhet deri në 2023 që të kthehet në rrugën e para krizës.
“Qëllimi duhet të jetë të rimëkëmbet – jo në nivele para krizës – por ato që do të kishim arritur pa ekzistencën e kësaj krize,” tha të Premten De Cos, i cili është guvernator i Bankës së Spanjës.
Në komentet e saj drejtuar udhëheqësve, Lagarde përsëriti se një rritje e mundshme e inflacionit këtë vjeshtë do të jetë e përkohshme dhe presionet themelore të çmimeve mbeten të ulëta. Ajo tha se nevojitet një rritje më dinamike dhe e qëndrueshme dhe se politika monetare do të vazhdojë të luajë një rol në forcimin e optimizmit.
BQE parashikon që prodhimi i zonës euro do të kthehet në nivelet para-pandemike deri në tremujorin e parë të 2022.
Lagarde u bëri thirrje udhëheqësve të avancojnë tregjet e kapitalit dhe unionin bankar të BE, pasi prej vitesh nuk po rikuperohen. Asnjë përparim nuk u pa në samitin e së Premtes, pasi zgjedhjet e kësaj vjeshte në Gjermani kanë lënë pezull diskutimet midis zyrtarëve të zonës euro.
Burimi: Bloomberg/Përshtati: Gazeta “SI”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje