Gazeta Si – Me fitoren 4-1 ndaj Kastriotit, Laçi ka siguruar vendin e dytë për këtë kampion. Skuadra e trajnerit Shpëtim Duro është shpallur sot nënkampione e vendit, pasi ka 11 pikë diferencë me vendin e tretë, kur kanë mbetur edhe tri javë deri në fund.
Ishte një fitore me përmbysje për kurbinasit, të cilët u gjendën në disavantazh, kur Ajazi shënoi me penallti për Kastriotin. Por reagimi ishte i menjërshëm dhe Akiniemi dhe Shehu shënuan dy gola që në pjesën e parë për Laçin. Në pjesën e dytë, Qato dhe Zarubica kompletuan fitoren e thellë të kurbinasve.
Laçi ka edhe një shans për të fituar trofe këtë sezon, pasi ka dalë në finale të Kupës së Shqipërisë, ku do të ndeshet me Vllazninë. Ekipi i Duros është një specialist i këtij kompeticioni, megjithatë finalja nuk mund të parashikohet. Kurbinasit gjithsesi e kanë përmbushur misionin e tyre, duke siguruar pjesëmarrjen në Kupat e Europës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
