Gazeta Si – Laçi ka surprizuar me zgjedhjen për pasuesin e Shpëtim Duros. Pritej një rikthim dhe flitej për Gentian Mezanin, por në fakt kurbinasit kanë ktheyr malazezin Dejan Vukiçeviç.
Lajmi është konfirmuar nga klubi i Laçit në rrjetet sociale. Surpriza qëndron në faktin se një vit më parë ky trajner nuk pati sukses në stolin kurbinas.
Vukiçeviç u shkarkua nga detyra pa u mbyllur faza e parë e kampionatit, pasi pati rezultate zhgënjyese. Për këtë arsye rikthimi i tij ka tingëlluar pak çuditshëm në ambientin sportiv në Shqipëri.
Ndoshta këtë herë Vukiçeviç do të ketë më shumë fat në krye të Laçit. Pak ditë më parë u largua trajneri Shpërim Duro. Një largim që u pasua me polemika mes tij dhe drejtuesve të klubit, nëse ishte një dorëheqje apo shkarkim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
