Gazeta Si – Të mërkurën në mëngjes, një shtëpi që strehonte punëtorë në Mangaf, në jug të Kuvajtit, një shtet i vogël në Lindjen e Mesme, mori flakë.
Ministri i Brendshëm i vendit, tha se të paktën 49 persona kishin vdekur. Një oficer policie i tha televizionit publik se dhjetëra njerëz u shpëtuan nga ndërtesa e djegur dhe se vdekjet ishin për shkak të asfiksisë nga tymi.
Ai shtoi gjithashtu se brenda kishte më shumë njerëz sesa lejonte ligji. Zëvendëskryeministri ia atribuoi përgjegjësinë për zjarrin “pronarëve të pangopur (…) që shkelin rregullat e ndërtimit”.
#Kuwait Mangaf Fire: Initial causes indicate poor storage on the ground floor and the presence of many gas cylinders, Firefighters, MOI and MOH to assess the deaths and injuries.. #الكويت pic.twitter.com/LNCpkhZdae
— Ayman Mat News (@AymanMatNews) June 12, 2024
Autoritetet po hetojnë shkaqet e zjarrit, ndërsa ende nuk kanë dhënë informacione për origjinën e punëtorëve.
Disa media lokale shkruan se shumë prej punëtorëve vinin nga India jugore, por edhe nga Pakistani, Bangladeshi, Filipinet dhe Nepali.
Dy të tretat e popullsisë së Kuvajtit përbëhet nga punëtorë emigrantë, të cilët shpesh jetojnë në kushte jashtëzakonisht të pasigurta.
Ndodh shpesh, për shembull, që punëdhënësit të konfiskojnë pasaportat e punonjësve të tyre për t’i penguar ata të lëvizin lirshëm dhe të refuzojnë t’u ofrojnë strehim të përshtatshëm, pushime nga puna dhe ditë pushimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
