.png)
Gazeta Si – Interi po del humbje me Romelu Lukakun, me humbje të mëdha madje. Bilanci është me të kuqe mes huazimit dhe rrogës mujore, ndaj dhe në klubin zikaltër po reflektojnë për belgun.
Me çdo kusht! Ky ishte slogani që shoqëroi bisedimet e Interit me Çelsin në verë për huazimin e Lukakut. Vetë futbollisti e donte me ngulm rikthimin tek Interi, duke qenë se këtë vit luhet Botërori dhe ai nuk donte të qëndronte në stolin e Çelsit.
Klubi zikaltër ia arriti qëllimit për ta rikthyer, por tani ka dyshime të forta për të ardhmen. Deri tani Lukaku i ka kushtuar Interit 12 milionë euro për vetëm 256 minuta në fushë. Mbi 46 mijë euro për minutë është një shifër që Interit nuk i leverdis aspak.
Drejtuesit e klubit po reflektojnë për situatën, ndërsa sulmuesi është në dyshim për të shkuar në Botëror me Belgjikën, për shkak të dëmtimit të fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje