Gjykata Kushtetuese zhvilloi mbledhjen e parë pas thuajse 3 vitesh mungesë. Gazeta “Si” mëson se mbledhja është thirrur për të përcaktuar kalendarin e çështjeve që do të marrë në shqyrtim.
Aktualisht në këtë institucion janë të depozituara disa padi të bujshme. E para ka të bëjë me ligjshmërinë e zgjedhjeve vendore të 30 qershorit 2019, depozituar nga Partia Demokratike. Po ashtu është edhe ligji për Teatrin Kombëtar i dorëzuar nga Presidenti Ilir Meta.
Çështje të tjera janë ato që kanë të bëjnë me Kodin Zgjedhor dhe deri tek përplasja mes shumicës dhe Presidentit Ilir Meta për refuzimin e dekretimit të Gent Cakajt si ministër të Jashtëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
