Gazeta Si – Humbja e Kombëtares në Izrael la vend për shumë kritika, për mënyrën si luajti skuadra. Reagimet kanë qenë të ndryshme nga vetë protagonistët e fushës, por edhe ish-lojtarë dhe ish-trajnerë.
Sokol Kushta, ish-sulmuesi i Kombëtares, gjykon se ndeshja ishte e humbur që para se të luhej, sepse ishte përgatitur gabim. Kushta thekson se ajo humbje u dha një shuplakë të fortë delirantëve dhe të paaftëve.
“Kisha 8 ditë që lexoja dhe dëgjoja në tv nga shumë specialistë dhe lojtarë të Kombëtares që ndeshjen me Izraelin do ta fitonin jo 1-0, 2-0 e deri në 3-0. Dhe pyesja veten: po këta e dinë kush është Izraeli?
Atë gjë e kuptuam kur filloi minuta e parë e deri sa ra bilbili i fundit. Kjo ishte një shuplakë për delirantët, tē paaftët dhe të gjithë ata që mendojnë që futbolli fitohet me fjalë dhe tangërlliqe.
Futbolli është sporti më i lehtë në botë për disa që e bëjnë me fjalë. Ndeshjet fitohen me djersë, punë, gjak. Edhe një gjë: kur futesh në fushë emrat bëhen të barabartë, pasi vetëm rezultati të bën të madh”, – shkruan në faqen e tij në Facebook ish-sulmuesi i shquar vlonjat i Kombëtares, Sokol Kushta.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
