Kryeministri i Kosovës, Albin Kurti, ka shkuar për vizitë te shtëpitë e tre policëve të rrëmbyer nga Serbia me 14 qershor.
Kurti përmes një postimi në profilin e tij zyrtar në rrjetin social Facebook, ka bërë të ditur se me rastin e festës së Kurban Bajramit, ai i ka vizituar tre policët kosovarë të cilët u rrëmbyen nga Serbia.
Kurti i ka falënderuar ata për, siç tha ai, qëndresën dhe besimin.
“Për Bajram te Beqir Sefa, Rifat Zeka e Shemë Mustafa, tre oficerët tanë të Policisë, që ishin rrëmbyer me 14 qershor nga forcat e armatosura serbe, e u mbajtën rob padrejtësisht për 13 ditë nga Serbia”, shkruar Kurti.
“Mikpritje fort e ngrohtë, sepse festa ishte e dyfishtë në Peran, Letanc dhe Mitrovicë. I falënderova të tre policët tanë dhe familjet e tyre për qëndresën, besim e treguar dhe mbështetjen e dhënë ndaj institucioneve të Republikës”, ka shkruar Kurti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
