Komisionari për Zgjerim dhe Fqinjësi, Oliver Varhelyi është takuar me kryeministrin e Kosovës, Albin Kurti në Bruksel.
Para takimit të Këshillit për MSA-në, Varhelyi ka shkruar se me Kurtin ka folur për punën e vazhdueshme në reforma që përfshinë reformën në drejtësi, luftën kundër krimit të organizuar
“Me kryeministrin Albin Kurti para takimit të Këshillit të Stabilizim-Asociimit të BE-së për Kosovën. Diskutuam rëndësinë e zbatimit të shpejt të Planit Ekonomik dhe Investues për Ballkanin Perëndimor si dhe punën e vazhdueshme në reforma që përfshinë reformën në drejtësi, luftën kundër krimit të organizuar”, ka thënë Varhelyi.
Më herët Kurti ka takuar edhe kryediplomatin e Bashkimit Evropian, Josep Borell.
“Kryeministri Kurti e vlerësoi mbështetjen e vazhdueshme të Komisionit Europian për reforma dhe përsëriti kërkesën që shtetet anëtare brenda Këshillit të BE-së të marrin vendim pozitiv për liberalizimin e vizave për qytetarët e Republikës së Kosovës”, thuhet në komunikatën e Zyrës së Kryeministrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
