Nga Gazeta ‘Si’– Kreu i Prokurorisë Speciale në Kosovë, Blerim Isufaj, gjatë një konference për media, është pyetur lidhur me refuzimin e kryeministri Albin Kurti për t’u paraqitur para këtij institucioni të drejtësisë.
Isufaj tha se ligji është i njëjtë për të gjithë qytetarët e Kosovës dhe se ftesa për të dëshmuar është procedurë ligjore.
“Çdo person që ftohet ka përgjegjësi ligjore të bashkëpunojë me institucionet e drejtësisë”, deklaroi ai.
“Ligji është i njëjtë për të gjithë qytetarët e Kosovës përfshirë edhe për zyrtarët e lartë shtetërorë. Ftesa për dhënie dëshmie është procedurë e rregullt dhe çdo person që ftohet ka përgjegjësi ligjore të bashkëpunojë me institucionin e drejtësisë, prandaj ju bëj thirrje të gjitha institucioneve publike përfshirë Qeverinë që të tregojnë përkushtim ndaj sundimit të ligjit dhe të shmangin retorikën që synon politizimin e drejtësisë. Nuk jam këtu për të komentuar deklaratat e askujt se fare nuk më interesojnë, po flas për atë që unë e ndjej dhe që mendoj se duhet bërë”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
