.png)
Nga Gazeta 'Si' - Kryeministri i Kosovës Albin Kurti është deklaruar sot rreth 7 masave të Serbisë për Kosovën duke theksuar se sipas tij, ata po bëhen nga dëshpërimi.
“Këto kërkesat e tij, masat e tij bëhen nga një dëshpërim dhe paraqesin joracionalitet dhe nuk janë aspak paqësore, por pjesë e fushatës agresive për konflikte të reja që pa dyshim nuk kanë vend në Kosovë”, tha Kurti.
Kryeministri ka thënë se së pari duhet folur për tri kushtet që i ka propozuar Kurti, e që sipas tij janë paqësore e racionale.
“Së pari duhet të flisni për tri kushtet që i kam vënë unë, që janë paqësore e racionale, e para është dorëzimi i Milan Radoiçiçit, nënshkrimi i marrëveshjes dhe tërheqja e letrës së Bërnabiçit, që thotë se nuk e pranon pavarësinë e Kosovës, as ulësen në OKB për Kosovën e as nuk e respekton integritetin territorial”, u shpreh Kurti.
Të premten, presidenti i Serbisë Aleksandar Vuçiç prezantoi pesë masa për Kosovën.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
