.png)
Nga Gazeta ‘Si’- Kryeministri në detyrë i Kosovës Albin Kurti, ka shprehur kritika të ashpra ndaj qasjes së BE-së karshi Kosovës dhe Serbisë.
Gjatë rilançimit të Programit “Willy Brandt” për zgjerimin e Bashkimit Evropian, Kurti ka theksuar se politikat e Kosovës janë vlerësuar vetëm në fjalë, ndërkohë që sipas tij, Serbia ka përfituar mbështetje edhe pse, referuar tij, është strehë për terroristët e sulmit në Banjskë.
“Përpjekjet tona për ta avancuar demokracinë, sundimin e ligjit dhe vlerat themelore të BE-së pranoheshin me fjalë.
Por shumë rrallë mbështeteshin në aksione. Në fjalë të tjera, politikat tona më shumë janë pëlqyer se mbështetur. E politikat e fqinjit tanë janë pëlqyer më pak, por janë përkrahur më shumë. Fqinji jonë verior që është agresor dhe që provokon tensione e synon destabilizim sot strehon e mbron terroristët, por është Kosova që mbetet nën masat restriktive të Bashkimit Evropian”, ka thënë Kurti.
Ai ka shtuar se loja e Serbisë në mes të Moskës dhe Brukselit nuk duhet të tolerohet, ndërsa ka theksuar se Kosova mbetet e përkushtuar ndaj rrugës evropiane dhe është e gatshme t’i bashkohet BE-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
