Kryeministri i Kosovës Albin Kurti ka thënë se Kosova është vendi më pro BE-së në Ballkanin Perëndimor, por më i izoluari, duke iu referuar mosliberalizimit të vizave.
Kurti ka kujtuar se sot(18 korrik) janë bërë katër vjet që kur Komisioni Europian për herë të dytë kishte konfirmuar se Kosova i ka përmbushur kriteret për liberalizimin e vizave, por kosovarët janë akoma të izoluar.
“Sot mbushen 4 vjet kur Komisioni Europian konfirmoi për herë të dytë se Kosova i përmbush të gjitha kriteret për liberalizimin e vizave. Ne jemi vendi më demokratik dhe pro-BE-së në Ballkanin Perëndimor, por më i izoluari”, shkroi ai në Twitter.
Ai shtoi më tej se “shpresat e qytetarëve tanë duhet të përmbushen me vendosmërinë dhe solidaritetin e BE-së”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
