.png)
Nga Gazeta 'SI'- Stoku total i kursimeve të shqiptarëve ka arritur 1.31 trilionë lekë gjatë muajit korrik.
Sipas Bankës së Shqipërisë, nga një vit më parë, depozitat janë shtuar me 6.7%, që vlerësohet si tepër pozitive edhe pse kjo nuk është vlerë rekord. Krahasuar me shifrat e qershorit, kursimet janë rritur me 0.8% ose rreth 11 mld lekë.
Shifrat tregojnë se më shumë se gjysma e këtij stoku, 718 mld lekë, janë depozita në valutë, që për një muaj u rritën me 8 mld lekë, duke kthyer përkohësisht trendin rënës të këtij zëri.
Depozitat në lekë raportohen në 595 mld në total, me një rritje 4 mld lekë prej qershorit në korrik.
Që prej fundit të 2023-shit, konsumatorët duken më të interesuar për depozitat në lekë, ndikuar nga dobësimi i fortë që ka pësuar monedha europiane.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
