Për tremujorin e dytë të vitit 2021, aktivet e tregut kursim-krediti u rritën me 11.3%, nga e njëjta periudhë e vitit 2020, duke arritur në total në vlerën e 12.8 mld lekëve.
Sektori që u përmirësua dukshëm ishte ai u kooperativave financiare (SHKK) që u rrit me 15% nga tremujori i dytë i 2020-s në tremujorin e dytë të 2021-shit.
Kooperativat financiare janë institucione me bazë anëtarësimi, kryesisht në nivel lokal, ku anëtarët mund të vendosin depozita dhe të marrin kredi. Një ndarje tepër e vogël e sektorit bankar, me vetëm 0.2% të aktiveve.
Këto struktura janë ndihmë për kategoritë shoqërore me akses të kufizuar bankar, siç janë fermerët dhe bizneset e vogla në vendet rurale.
Në fund të muajit qershor 2021, portofoli i kredisë së SHKK-ve, u rrit me 11% nga qershori i 2020-s. Masa e së cilës ishte për financimin e projekteve të bujqësisë.
Aktiviteti i SHKK-ve mbështetet, në pjesën më të madhe, te depozitat e anëtarëve. Në fund të shtatorit, depozitat përbënin më shumë 73% të detyrimeve totale të sektorit. Në vlerë ato arritën shifrën e 9.2 miliardë lekëve, në rritje me 8.5% me bazë vjetore. Rritja e depozitave të SHKK-ve ka një normë rritjeje të përafërt me depozitat bankare. Por, ndryshe nga sa ndodh në sistemin bankar, struktura e depozitave të SHKK-ve dominohet nga leku. Në mesin e këtij viti, mbi 83% e depozitave totale pranë këtyre institucioneve ishin në monedhën vendase.
Numri i SHKK-ve të licencuara, sipas Bankës së Shqipërisë, është 16.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
