.png)
Gazeta Si – Trajneri Silvinjo dhe stafi i tij zhvilluan sot seancën e fundit stërvitore në tokën shqiptare, pasi nesër skuadra do të niset për në Moldavi, ku të premten luan ndeshjen e radhës kualifikuese të Euro 2024.
Këtë herë kuqezinjtë janë stërvitur në tapetin e stadiumin ‘Air Albania’, jo në ‘Shtëpinë e Futbolli’ si ditët e tjera. Nuk ka asnjë problem me lojtarët, të gjithë janë të gatshëm për ndeshjen e së premtes.
Sipas programit, Kombëtarja shqiptare do të udhëtojë nesër paradite drejt Moldavisë. Pasdite do të zhvillojë edhe seancën e fundit në stadiumin ku do luhet ndeshja. Kuqezinjtë, me një pikë në Moldavi, do të siguronin metematikisht ‘Gjermani 2024’.
Më 20 nëntor luhet ndeshja e fundit ndaj Ishujve Faroe në stadiumin “Air Albania”, ku pritet të jetë një festë e madhe për kualifikimin për herë të dytë në një Europian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
