.png)
Për lojtarët e kombëtares, në ndeshje u mungoi vetëm goli.
Mirlind Daku tha për mediat se beson se tifozët janë të kënaqur me lojën që bënë.
“Po të ishim më të saktë do i kishim kënaqur me një fitore, por shpresoj ta bëjmë në ndeshjen e rradhës”, thotë Daku, duke shtuar se Bajrami i kërkoi që t’ja pasonte topin tek rasti që krijuan bashkë.
“Besoj se bëra më të mirën në atë rast”.
Ndërsa Myrto Uzuni thotë se u mungoi vetëm fati pasi sipas tij, dhanë shpirtin në fushë.
“Ngushëllova Rey-n pasi të humbasësh 11 metërshin është dicka që ndodh. Tani na mbetet të fitojmë ndeshjen tjetër”.
Ndërkohë Kristjan Asllani thotë se duhet të jemi optimistë pasi sot treguan kualitetin por i vjen keq që nuk fituan përpara tifozëve.
“ Tani na duhet të fitojmë një ndeshje të vështirë si ajo ndaj Letonisë. Traineri vendosi që Manaj të ekzekutonte penalltinë dhe nuk ka asgjë të keqe”.
Armando Broja
Nga ana tjetër, Armando Broja është i mërzitir pasi u humbën shumë raste.
“Por sot luajtëm shumë bukur edhe pse na mungon vetëm goli. Kam luajtur në qendër dhe në krahë dhe sot ishte traineri që vendosi të luaja në të djathtë pasi Serbia do të kishte hapësira. Normalisht që sulmuesi duhet të shënojë ose të paktën të shërbejë për gol. Unë jam i pari që dua të shënoj por ajo që vlen më shumë është fitorja dhe ne duhet të ecim përpara”, thotë Broja.
Si gjithmonë përgjegjësitë janë të miat, thotë Silvinjo, duke shtuar se ishte vendimi i tij që Manaj të gjuante penalltinë.
“Ishte një ndeshje psikologjike dhe të gjithë e zhvilluan shumë mirë. Unë jam krenar për ta. Ndeshja ishte shumë mirë, por rezultati për fat të keq jo”.
Sa i përket Brojës, problemi është i njëjtë, gjithmonë është i dëmtuar.
“Nuk e mbaj mend kur ka luajtur 90 minuta të plota”.
Hoxha ka luajtur shumë mirë ndërsa Manaj mungoi edhe në stërvitje, thotë Silvinjo, që shton se pas evropianit kjo ishte vërtetë ndeshja më e mirë. Lojtarët që u futën nga stoli dhanë energji të reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
