.png)
Gazeta Si – Kombëtarja shqiptare udhëtoi sot drejt Moldavisë, ku të premten luan ‘finalen’ e parë të muajit nëntor ndaj ekipit vendës. Është ndeshja e parafundit në grup për kualifikueset e Euro 2024.
Kuqezinjtë u nisën paradite nga aeroporti i Tiranës, për të mbërritur në drekë në kryeqytetin moldav. Ata janë akomoduar menjëherë në hotel. FSHF bën me dije se i gjithë grupi gëzon formë shumë të mirë dhe nuk ka probleme fizike për asnjë nga lojtarët.
Trajneri Silvinjo do të zhvillojë seancën e fundit stërvitore në orën 17:00, në stadiumin ku do të luhet ndeshja. Më parë ai do të dalë në konferencën zyrtare për shtyp, ku do të flasë për këtë sfidë.
Shqipëria ndeshet me Moldavinë në stadiumin ‘Zimbru’, në orën 18:00. Në rast të një rezultati pozitiv siguron matematikisht kualifikimin në Euro 2024.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
