Gazeta Si – Tirana, Partizani dhe Laçi janë sot me sy e veshë nga Zvicra. Aty do të hidhet në mesditë shorti për turet paraeliminatore në Kupat e Europës dhe këto tri skuadra do të mësojnë kundërshtarët e tyre.
Kampionët e Tiranës nuk janë në vazon e vaforitëve. Kundërshtarë të mundshëm të tyre janë Ferencvaroshi, Ludogorets, Dudelange, Kluzh dhe Maribor. Kundërshtarë jo të lehtë për bardheblutë.
Më pas do të jetë radha e Partizanit dhe Laçit, dy skuadra të tjera shqiptare që marrin pjesë këtë sezon në Kupat e Europës. Laçi është në vazon e favoritëve në short.
Për kurbinasit mund të ketë një përballje me kosovarët e Gjilanit. Katër kundërshtarët e tjerë janë Stinful George, Dila Gori, Ruzhomberok dhe Iskra.
Edhe Partizani bën pjesë në vazon e favoritëve në shortin e Ligës së Konferencevs. Bashkë me të edhe Shkëndija e Tetovës. Evitohet kështu një përplasje mes këtyre dy skuadrave në Kupat e Europës.
Megjithatë, mund të ketë sërish përplasje me një ekip shqiptarësh, që është Deçiçi i Malit të Zi. Kundërshtarë të tjerë të mundshëm të Partizanit janë gjeorgjianët e Saburtalo, armenët e Ararat Jerevan, boshnjakët e Tuzlas dhe maltezët e Floriana.
Vllaznia, skuadra e 4-t që merr pjesë në Kupat e Europës, do ta mësoje nesër emrin e kundërshtarit të saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
