Janë zhvilluar sot ndeshjet e para të turit të dytë të Kupës së Shqipërisë, ku nuk kanë munguar edhe surprizat. Kukësi, një nga skuadrat më në formë të momentit në Superiore, është mundur nga Egnatia dhe aq më tepër në fushë asnjëanëse, në Peqin. Imeri dhe dy herë Pedro shënuan për rrogozhinasit, ndërsa Puntus shënoi golin që mban gjallë shpresat për përmbysje në ndeshjen e kthimit.
Vllaznia fitoi me lehtësi në Pogradec, 0-2, me gola të Hoxhajt dhe Mustedanagiç.
Në Grupin A, Partizani ka fituar në Lezhë me golin e brazilianit Zhunior, kurse Teuta ka mundur Korabin me një gol të Lorenco Vilës. Dinamo fitoi pastër derbin e kryeqytetit, 2-0. Ibraimi me penallti dhe më pas Skuka realizuan 2 golat e fitores për skuadrën e trajnerit Shkëmbi në këtë ndeshje. Kjo ishte humbja e parë në këtë sezon për Tiranën, që kryeson kampionatin. Blutë janë afër kualifikimit për në turin tjetër, ndërsa të shtunën këto dy skuadra do të përplasen sërish mes tyre në kampionat.
Kupa e Shqipërisë, turi i dytë
Sot
Grupi A
Korabi-Teuta 0-1
Bylis-Skënderbeu 1-1
Besëlidhja-Partizani 0-1
Dinamo-Tirana 2-0
Grupi B
Pogradeci-Vllaznia 0-2
Tomori-Laçi 0-1
Egnatia-Kukësi 3-1
Flamurtari-Kastrioti 0-0
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
